Notkunar- og verkfræðiráðgjöf

Sérfræðingar Linde (fyrrum ÍSAGA) vinna í nánu samráði við viðskiptavini að því að hámarka fyrirliggjandi ferli og þróa sérsniðnar lausnir til að uppfylla nútímakröfur og þarfir viðskiptavina.

Uppsetning gaslagna og ráðgjöf

Með því að sameina tækni og þekkingu getum við boðið upp á tilbúnar gaslagnir fyrir margvíslegar atvinnugreinar. Við sjáum um öll stig framkvæmdarinnar, allt frá þarfagreiningu yfir í ferlishönnun, smíði, gangsetningu og loks afhendingu. Þarfir og forsendur viðskiptavina eru okkur ávallt efst í huga þegar við setjum saman vinnuhópa og skipuleggjum verkferli.

Þróun og hámörkun aðferða og ferla

Við búum yfir þeirri kunnáttu og þekkingu sem þarf til að aðstoða viðskiptavini okkar við að þróa aðferðir við gasnotkun og hámarka ferli. Mikið af lausnum og tækni Linde (fyrrum ÍSAGA) er þróuð í nánu samstarfi við viðskiptavini okkar. Opin og náin samskipti gera okkur kleift að prófa og fínstilla aðferðir og tækni þar til hámarksárangur næst.